Protesta e Berishës, Policia: Do ketë bllokim të segmenteve rrugore

Policia e Shtetit ka dalë me një deklaratë zyrtare në lidhje me bllokimin e disa segmenteve rrugore në kryeqytet me rastin e protestë së planifikuar për ditën e sotme.

Në njoftimin e policisë thuhet se në kuadër të protestës që do të zhvillohet nga Partia Demokratike ditën e sotme në orën 19:00 do të ketë disa segmente rrugore të bllokuara.

Njoftimi i Policisë:

DVP Tiranë Në kuadër të protestës që do të zhvillohet në orën 19:00, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.Segmentet rrugore që do të jenë të bllokuara, janë:

 – bulevardi “Dëshmorët e Kombit”;
– rruga “Gjergj Fishta”;
– bulevardi “Bajram Curri”
– bulevardi Zhan D’Ark Policia apelon të gjithë qytetarët që të shmangin lëvizjen në këto akse rrugore.

Ish-kryeministri Sali Berisha ka paralajmëruar skenarë të shumtë për protestën e sotme, që pritet të nisë në orën 19:00.

Berisha paralajmëroi efektivët e policisë teksa tha se çdo presion apo dhunë ndaj protestuesve do të mbahet shënim dhe do të jepet ndëshkimi i duhur. Kreu i Partisë Demokratike tha se bashkë me temperaturat e larta sot do të ndizet edhe revolta popullore e qytetarëve.

j.l./ dita