Masat anti-Covid në Kinë po fillojnë të hiqen në pjesën më të madhe të qyteteteve, pas shpërthimit të protestave masive të qytetarëve kundër izolimit dhe masave të rrepta që ishin vendosur ndaj tyre për parandalimin e virusit famëkeq. Politika e Kinës për të marrë masat, kishte shkaktuar një kolaps në ekonominë e këtij vendi, ndaj edhe qytetarët nuk ishin dakord që masat e rrepta të kufizimit të vijonin, teksa në shtetet e tjera të Evropës situata paraqitej më stabile dhe vala e madhe e këtij virusi në Kinë nuk ishte më si në fillimet e saj.
Siç raportojnë edhe mediat e huaja, bëhet me dije se deri më tani, qeveritë vendore janë duke nxitur ndryshime, për shembull, duke hequr kërkesat që njerëzit të testojnë për Covid-19 përpara se të marrin transportin publik ose të hyjnë në disa vende publike. Disa kanë bërë gjithashtu ndryshime në politikat e karantinës, sipas mediave shtetërore, duke lejuar disa pacientë Covid-19 ose kontakte të ngushta të karantinohen në shtëpi – një ndryshim i mprehtë nga karantina qendrore e zbatuar më parë.
Megjithatë, në të gjithë vendin, disa pjesë të komuniteteve rezidenciale dhe ndërtesave të përcaktuara me rrezik të lartë nga autoritetet janë ende të mbyllura. Dhe ndërsa zyrtarët e lartë shëndetësorë të Kinës kanë sinjalizuar se vendi ka hyrë në një “fazë të re” në kontrollin e virusit, Pekini ende nuk ka nxjerrë udhëzime të përditësuara – duke krijuar më shumë konfuzion.
Teksa pas tre vitesh shtetasit e Kinës i kththen jetës së tyre normale, nga ana tjetër paralajmërohet se vendi pritet të jetë e papërgatitur për rritjen e rasteve që ka të ngjarë të ndodhë tani. Siç raportojnë edhe mediat e huaja, ekspertët ngrenë alarmin se përpos heqjes së masave nuk përjashtohet mundësia që të ketë një rritje të nurmit të të infektuarëve me virusin famëkeq.
Ekspertët thonë se megjithëse ende nuk dihet shumë se si do të përparojnë javët dhe muajt e ardhshëm, Kina ka dështuar në përgatitjet si rritja e shkallës së vaksinimit të të moshuarve, kujdesit intensiv në spitale dhe grumbullimi i medikamenteve antivirale. Ndërsa varianti Omicron është më i butë se në fillimet e përhapjes së saj dhe shkalla e përgjithshme e vaksinimit në Kinë është e lartë, madje një numër i vogël i rasteve të rënda midis grupeve të cenueshme dhe të pavaksinuara si të moshuarit mund të mbushin spitalet nëse infeksionet rriten në të gjithë vendin prej 1.4 miliardë.
“Kjo është një krizë e afërt – koha është vërtet e keqe … Kina tani duhet të relaksojë shumë nga masat e saj gjatë dimrit (duke mbivendosur me sezonin e gripit), kështu që nuk ishte siç ishte planifikuar”, tha Xi Chen, një profesor i asociuar në Yale.
Shkalla e kësaj krize të mundshme do të varet nga sa shpejt Kina lehtëson kufizimet e saj, për të përgatitur sistemin e saj shëndetësor për një rritje të rasteve pas përpjekjeve të gjata të fokusimit në ruajtjen e politikës së saj zero-Covid. Ndërsa kufizimet janë lehtësuar dhe virusi përhapet në të gjithë vendin, Kina do të duhet të kalojë një periudhë dhimbjeje përsa i përket sëmundjes, sëmundjeve të rënda, vdekjeve dhe stresit në sistemin e kujdesit shëndetësor.
j.l./ dita
Axhenda ka tekniken lirim-shtrengim mos u genjeni.