Vettingu në politikë është ndër nismat që mazhoranca do të ndërmarrë gjatë këtij viti të ri politik.
Ish-deputeti i PS Ervin Bushati, i ftuar në “Frontline” në News24, është shprehur se ka ardhur koha për vetting në politikë dhe në nivelin e zyrtarëve të lartë. Sipas tij, situata brenda PD e ka relaksuar paksa mazhorancën por është koha për tju rikthyer reformave të lëna pas.
“Ka ardhur koha të kthehemi në reforma të mëdha që u lanë. U nis me Reformën në Drejtësi. Rama ka dremitur pak duke parë opozitën në Netflix. Një opozitë e tillë e lodhur e jo sfiduese që merret vetëm me veten, e ka relaksuar mazhorancën”, tha Bushati.
Të tjera reforma të mëdha, sipas Bushatit, janë reforma e drejtë në Financa.
Bushati tha se inflacioni e lufta kërkojnë ndryshime në fiskun e Shqipërisë.
“TVSH e ushqimeve s’mund të jetë 20 përqind, sa makinat e luksit dhe diamantet. Jemi forcë e majtë dhe do ishte mirë të rriteshin progresiviteti për aktorët e mëdhenj në treg dhe koncesionet”, tha ish-deputeti i PS, Ervin Bushati. m.b./dita
Opo kur flet edhe ky mer…! Ahhhh!