Mazhoranca ka rrëzuar me 77 vota kundër kërkesën e Partisë Demokratike për të nisur procedurën e përshpejtuar sa i përket projektligjit të propozuar për naftën.
Grupi Parlamentar i PD-së depozitoi në Kuvend projektligjin, përmes të cilit kërkon uljen e çmimit të naftës pas krizës në Lindjen e Mesme.
Deputeti Eno Bozdo tha në fjalën e tij në Kuvend se Shqipëria sot nuk ka asnjë rezervë dhe se qytetarët sot blejnë naftën më shtrenjtë se gjithë vendet e rajonit, krahasuar me Kosovën dhe Maqedoninë e Veriut.
“Shqipëria nuk zotëron asnjë gramë naftë rezervë të sigurisë strategjike; kryeministri pretendon të kundërtën. Jemi ndoshta i vetmi vend që s’kemi një rezervë të tillë, edhe pse legjislacioni e ka me detyrim. Qeveria nuk e ka vënë ujin në zjarr dhe kjo ndodh gjithmonë. Në këtë pikë, lutemi që kriza mos të thellohet dhe mos të marrë ndonjë urdhër për lirimin e rezervave të naftës, që dihet të jenë 90 ditë, ndërsa sot janë 0 ditë. Të gjitha vendet e tjera të rajonit i kanë këto rezerva”, tha Bozdo.
j.l./ dita
Po more, maxhoranxa qe e vjedh kete popull dashka te ule cmimin e vjedhjes,
Jeni ne terezi ju, apo jo?
Tjetra, nuk kuptoj llogjiken e kerkeses se PDse.
MEqe nuk ka rezerva ulen cmimet?