Një punëtor rreth të 40-ve dyshohet se ka rënë nga godina në ndërtim sot, në qytetin e Bulqizës, teksa ishte duke punuar. Mësohet se i dëmtuari rëndë ka qenë pjesë e një kompanie që po zbaton një projekt të veshjes me sistem kapot, të disa pallateve në qytetin e Bulqizës.
Inspektorët po verifikojnë nëse janë zbatuar kushtet e sigurimit në punë nga ana e kompanisë dhe janë bllokuar punimet me shirit. Nuk është verifikuar akoma punëtori ka rënë nga skela apo jo, sikurse edhe identiteti i tij nuk bëhet publik për momentin.
