Keni humbur një unazë diamanti shumë të shtrenjtë? Provoni të kontrolloni fshesën me korrent. Kështu bënë punonjësit e hotelit luksoz Ritz në Paris dhe patën fat.
Gazeta Le Parisien raportoi të dielën se një mysafir malajzian i hotelit denoncoi në polici të premten, duke pretenduar se unaza me diamantë u zhduk nga dhoma.
Gazeta tha se unaza ishte me vlerë rreth 750,000 euro, ose më shumë se 800,000 dollarë, shkruajnë mediat e huaja.
Ritz Paris nuk publikoi detaje rreth unazës apo klientit, por tha se unaza ishte gjetur të dielën.
“Falë kërkimeve të përpikta nga agjentët e sigurisë në Ritz Paris, unaza u gjet sot në mëngjes në një qese fshesë me korrent. Klienti ynë është i lumtur me lajmet”, tha hoteli në një deklaratë.
j.l./ dita
