Zëdhënësja e Ministrisë së Jashtme ruse Maria Zakharova ka dënuar vendimin e Britanisë për të mos ftuar zyrtarët rusë për të marrë pjesë në funeralin e Mbretëreshës.
“Ne e shohim këtë përpjekje britanike për të përdorur tragjedinë kombëtare, e cila ka prekur zemrat e miliona njerëzve në mbarë botën, për qëllime gjeopolitike për të larë hesapet me vendin tonë… si thellësisht të pamoralshme”, tha zëdhënësja e Ministrisë së Jashtme Maria Zakharova.
Marrëdhëniet diplomatike midis Mbretërisë së Bashkuar dhe Rusisë janë përkeqësuar që nga pushtimi i Ukrainës nga Rusia.
Një zëdhënës i presidentit rus Vladimir Putin tha se lideri rus “nuk po e konsideronte” pjesëmarrjen në funeralin.
Në funeral nuk janë ftuar as përfaqësues nga Siria, Venezuela, Afganistani, Bjellorusia dhe Mianmari.
j.l./ dita
