Presidenti rus, Vladimir Putin, ka pritur në një takim ambasadorët e rinj të Bashkimit Evropian dhe Shteteve të Bashkuara në Moskë, të mërkurën. Gjatë pritjes, Putin nuk ka kursyer kritikat dhe akuzat ndaj Perëndimit për rritjen e konfrontimit gjeopolitik me Rusinë.
Putin ka thënë se BE-ja e ka nisur këtë konfrontim dhe e ka kthyer mbrapa misionin e saj “për rritje të bashkëpunimit ekonomik dhe integrim të kontinentit evropian”.
Ai e ka akuzuar SHBA-në për nxitje të konfliktit në Ukrainë, përmes revolucionit. Deklarata e tij ka qenë referencë për luftën e Rusisë në Ukrainë, të nisur më 24 shkurt 2022.
m.b./dita
