Presidenti rus Vladimir Putin ka dalë me një reagim zyrtar pas konfirmimit të vdekjes së liderit suprem iranian, Ali Khamenei, në sulmet e kryera nga Shtetet e Bashkuara dhe Izraeli, sipas raportimeve të mediave ndërkombëtare.
Sipas mesazhit të publikuar nga Kremlini, Putin i ka dërguar një letër ngushëllimi presidentit iranian Masoud Pezeshkian, duke e cilësuar ngjarjen si një akt që shkel normat e moralit njerëzor dhe të së drejtës ndërkombëtare, si dhe duke paralajmëruar se zhvillime të tilla rrezikojnë të destabilizojnë të gjithë Lindjen e Mesme.
Në të njëjtën kohë, Moska ka ripërsëritur se e ka mbështetur për vite me radhë Iranin në planin diplomatik dhe ka dënuar operacionin ushtarako, duke ngritur shqetësime për pasoja humanitare dhe ekonomike në rajon, si edhe për rrezikun që çdo goditje e lidhur me objekte të ndjeshme të përshkallëzojë më tej situatën.
Ministria e Jashtme ruse ka kërkuar që kriza të kthehet menjëherë në rrugën e zgjidhjes politike dhe diplomatike, duke thënë se Rusia mbetet e gatshme të kontribuojë në gjetjen e një zgjidhjeje paqësore mbi bazën e ligjit ndërkombëtar, respektit të ndërsjellë dhe balancës së interesave.
Reagimi i Moskës vjen në një moment kur tensionet në rajon po rriten, ndërsa po shtohen edhe thirrjet për ndërhyrje diplomatike nga aktorë ndërkombëtarë, për të frenuar një përshkallëzim të mëtejshëm të konfliktit.
j.l./ dita
