Për herë të parë në dekadën e fundit, presidenti rus Vladimir Putin nuk do të mbajë një konferencë për shtyp në fund të vitit. Gjithashtu, nuk do të ketë as pritje tradicionale për festën e Vitit të Ri. Lajmi është dhënë këtë të hënë nga zyrtarët rus.
BBC shkruan se ky vendim i Putin mund të jetë i ndikuar nga lufta në Ukrainë, e cila nuk ka shkuar sipas planit të presidentit rus.
Konferencat e shtypit maratonë kanë qenë tradicionalisht një rast për presidentin rus për të rritur imazhin e tij në televizionin kombëtar çdo dhjetor.
Në vitet e mëparshme, Putini u ka kushtuar fonde të mëdha parash ngjarjeve të fundvitit. Por këtë vit sipas mediave të huaja Rusia ka humbur “imazhin” në arenën ndërkombëtare si një “shtet i pamposhtur”.
Putini është zhdukur nga publiku me ditë të tëra dhe në publik thuhet me shaka se ëo fshihet në një “bunker”. Administrata e tij po përballet me pyetje të sikletshme lidhur me strategjinë ëër luftën, mobilizimin masiv dhe keqtrajtimin e raportuar të rekrutëve rusë në front dhe në stërvitje.
Ditët e fundit edhe funksionarë rusë kanë reaguar kundër presidentit.
o.j/dita
