“Që fati i bardhë, mos bëhet i zi, zbërtheje zinxhirin, vetëm në shtëpi…!”

Duhet që të jesh,
një njeri me fat,
që sot me përgjime
të mos kapesh mat!

Se sot po përgjohet,
edhe më i miri
sapo atë dorë
e vë tek zinxhiri!

Pastaj në greminë,
të fundoset fati,
kur ti gjithë komandat,
i merr nga hallati!.

Ndaj thonë – “Sa ka ngrënë,
grykëza e g…pit,
nuk ka ngrënë në luftë,
as gryka e topit!”

Kur shtrihesh me “botën”,
në dyshek të butë,
gjithë jetën në erë,
hedh për një minutë!

Që fati i bardhë,
mos bëhet i zi,
zbërtheje zinxhirin,
vetëm në shtëpi!

Dhe që të mos kesh,
ngasje mëkatare,
një vajzë të bukur,
mos merr sekretare!

Mba një shkop dhe bjeri,
hallatit me shkop,
se je i përgjuar,
si i thonë: “Non Stop!”

Dhe kur s’duron dot,
veten mos e jep,
sepse mund të biesh,
si peshku në grep!

Kur je me pushtet,
je një i përgjuar,
dhe më keq se kaq,
je i provokuar!

Se jini imunë,
mua mos ma thoni,
se është tunduar,
dhe vetë Bill Klintoni!

Edhe më të mirin,
që kish Amerika,
në kurthin e seksit,
e futi Monika!

Të themi të drejtën,
siç është për të thënë,
gjer sot asnjë burrë,
me shkelm s’i ka rënë!

Ndaj unë po ju them,
si një burrë zakoni,
po ju doli para,
rrugën ta ndërroni!

Rrugën ta ndërroni,
dhe mos bëni ndryshe,
se femra ka futur,
shejtanin në shishe!