Këshilli i Ministrave miratoi në mbledhjen e sotme Aktin Normativ për ndryshimin e buxhetit të vitit 2024.
Në komunikimin me mediat pas mbledhjes së qeverisë, Ministri i Financave, Ervin Mete u shpreh se përmes këtij Akti Normativ qeveria do t’i vijë në ndihmë sektorit fason, me Instrumentin e Garancisë së re Shtetërore prej 4 miliardë lekësh, në mënyrë që ky sektor të përballojë efektet e goditjeve, të përmirësojë proceset teknologjike dhe të rrisë më tej produktivitetin.
“Përmes këtij Akti Normativ po mbështesim një Instrument të Garancisë Shtetërore prej 4 miliardë lekë në mbështetje të bizneseve të sektorit të industrisë përpunuese fason, të cilat kanë nevojë të përmirësojnë proceset teknologjike dhe të rrisin më tej produktivitetin, kjo edhe për të përballuar efektet e goditjeve të ardhurave si pasojë e faktorëve të jashtëm. Ky instrument synon mbështetjen e këtij sektori nëpërmjet garancisë shtetërore të huasë, me qëllim sigurimin e financimit të nevojshëm nga bankat e nivelit të dytë”, u shpreh ministri.
Mete informoi se Ministria e Financave ka rishikuar në rritje të ardhurat për vitin 2024, të cilat projektohen në rreth 687 miliardë lekë ose 28.2% e Produktit të Brendshëm Bruto, ndërsa në nivelin makro do të vijohet konsolidimi fiskal, duke projektuar një trend rënës të borxhit publik dhe një deficit më të ulët sesa projeksioni fillestar i buxhetit të këtij viti.
Ministri tha se Akti Normativ parashikon reflektimin në buxhet të riorganizimit të ministrive sipas fushave të reja të përgjegjësisë, ashtu sikurse riklasifikimin e kategorisë së financimit të portit të ri tregtar, financimin e strukturës së posaçme në mbrojtje të mjedisit dhe zhvillimit të turizmit, si edhe mbështetjen financiare për rikonstruksionin e godinave dhe përmirësimin e kushteve infrastrukturore të arsimit profesional, në kuadër edhe të vëmendjes së Qeverisë për këtë sektor.
j.l./ dita
PS ne se ka plan mandat tjeter te zgjedhje kete burre, d.m.th z.Mete per kryeminister dhe Balla detyren qe ka per t’ia bere punen me te lehte per te miren e popullit.Figurat e tjera ne PS qe jane adapt per ekonomine dhe me zotesi nuk besoj per momentin te gjeni. Te vjetrit e PS-se te hapin krahun te riut .Ata jane (te vjeter jo ne moshe) jashte loje e te perfolur.
Me qe ka hapesire po jap mendimin tim edhe per PD,ndonese e kam shfaqur edhe me pare.Se pari lopet e mitingut nuk vlejne per qeverisje dhe as kane per t’a marre 100 vjet me Sali Berishen. Grumbullimi I demokrateve rreth Bashes jep alternative demokratike te hyrjes ne gare zgjedhore.Realisht Basha nuk ben per kryeminister,sidoqofte ne se ka e pranon keshilltare te sakte e jo servile mund te beje dicka.Problemet dhe anarkia me pronat,sepse atje eshte thembra e Akilit,do kohe . Ligjet mbi pronat mund t’i adoptoni nga Kosova sepse eshte me e avancuar ne kete drejtim.Megjithese ne shqiperi ka 1000 raste per keto probleme ,gjendet nje e mesme qe t’i jape fund ,ku shqiptaret te rojne e te gezojne pronen.Veshtiresia eshte sa te fillojne. Koha te korigjon ne se ke mendje te mire .