Përfundon pa gola Newcastle-Leicester City, ndeshje e javës së 37-të në Premier League. Vendasit dominuan takimin, por nuk ia dolën të shënonin golin e tri pikëve. Shtyllë dhe shumë raste të humbura nga djemtë e Eddie Howe, ndërkohë që pika mban gjallë shpresat e “Dhelprave” për të mbijetuar.
Barazimi i mjaftoi ‘qymyrxhinjve’ të Newcastle të sigurojnë matematikisht kualifikimin në Champions League për sezonin e ardhshëm. Bardhezinjtë kanë zhvilluar një sezon fantastik dhe pas plot 20 vitesh do të luajnë në turneun e më të mirëve.
