Një krim në familje dyshohet se ka ndodhur në Korë një javë më parë dhe u tentua të mbahej i fshehtë. Policia po heton duke mbledhur dëshmi, teksa bashkëshortët e përfshirë japin alibi të ndryshme dhe akuzojnë njëri-tjetrin.
Diana Mulla ka përfunduar në spital me këmbën e djathtë të thyer, pasi thotë se bashkëshorti i saj e ka hedhur nga shkallët.
Sipas saj ngjarja ka ndodhur 6 ditë më parë në Korçë dhe i shoqi nuk e ka çuar në spital. Fatos Mulla mohon akuzat duke sqaruar se 55-vjeçarja është rrëzuar vet dhe ai nuk ka asnjë arsye për ta dhunuar.
Ndër të tjera ai ka shtuar se e ka çuar vet në spital, ndërsa vazhdimisht i shërben dhe e ndihmon. Policia sidoqoftë do të vijojë hetimet për veprën penale të dhunës në familje.
