Rama: Integrimi drejt BE sapo ka nisur, kemi akoma detyra për të bërë

Kryeministri Edi Rama, krah Ursula von der Leyen dhe Charles Michel tha se procesi i integrimit drejt Bashkimi Europian për Shqipërinë sapo ka nisur.

Kur vjen fjala për anëtarësimin duhet të bëjmë detyrat tona të shtëpisë, tha Rama. Por në të njëjtën kohë, kreu i qeverisë shqiptare theksoi se, ajo çka ka ndodhur është historike, sepse BE sipas tij po krijon hapësira e po krijon mekanizma mbështetjeje, që po na sjellin ne më pranë pa pritur që ne të jemi anëtarë.

Ndërsa presidenti i Këshillit Europian, Michel tha se tashmë janë të shumtë ata në BE që janë të mendimit se duhet përshpejtuar procesi i integrimit i Ballkanit Perëndimor. Michel tha se është e vërtetë se lufta e nisur nga Rusia e përforcoi këtë bindje.

Pyetje: Kur do të vijë Tirana në Bruksel, kur do të anëtarësohet Shqipëria dhe rajoni, pasi duket sikur duhet që Rusia të shtojë bombat diku që ju të keni vëmendjen në rajon?

Edi Rama: Do të thoja që është e padrejtë të thuash këtë sepse ecuria, përparimi që është bërë sidomos në periudhën e fundit, pa asnjë dyshim edhe për shkak si një përshpejtues, është i jashtëzakonshëm. Nuk ishte 10 vjet më parë. Është pak kohë më parë që ndodhi që ishim në Bruksel dhe patëm gjithë këtë diskutim, një konferencë shtypi ku Charles aq nuk u shfaq, e kështu me radhë. Është krejt ndryshe. Kur vjen fjala për anëtarësimin duhet të bëjmë detyrat tona të shtëpisë dhe ua thashë, e ua them të gjithë përherë, dhe nuk kam ndryshuar mendim përpara kur kisha debatet e mia me disa prej miqve dhe udhëheqësve europianë, për arsyet përse nga duheshin bisedimet për anëtarësim, u thoja na duhet të kemi instrumentet e procesit të anëtarësimit për t’u forcuar, për të forcuar institucionet tona, për të ndërtuar sistemet tona, për të arritur në nivelin e shteti funksional në nivelin e BE. Nuk është anëtarësimi, sapo ka nisur. Kam të njëjtin mendim edhe sot, na duhet të bëjmë detyrat e shtëpisë. Pra nuk ka të bëjë me marrjen me vrap, por në të njëjtën kohë ajo çka ka ndodhur është historike, sepse BE po krijon hapësira e po krijon mekanizma mbështetjeje, që po na sjellin ne më pranë pa pritur që ne të jemi anëtarë. Ne po hymë aty, sepse ka një mirëkuptim të përbashkët që ndërkohë që bëjmë detyrat e shtëpisë duhet edhe të mbështetemi e të jemi gjithmonë e më pranë, për t’u mbledhur bashkë, për ta bërë bashkë këtë Europë. Për herë të parë Ballkani shihet e trajtohet si një rajon gjeostrategjik e gjeopolitik për BE. Kur do të jemi anëtarë? Një gjë është e sigurt, ne Shqipëria, shqiptarët jemi besnikë të BE, dhe do të jemi besnike të BE edhe nëse BE zhduket, do të vazhdojmë të luftojmë që të jemi anëtarë. Edhe nëse jemi vetëm ne anëtarë, nuk ka rëndësi. Ne duhet të bëjmë përparime. Kjo është më e rëndësishme.

Charles Michel: BE nuk ka pikë synimi që nuk do të jetë ndonjëherë aty më… Kohët e fundit kemi qenë të shumtë që e kuptuam se duhet përshpejtuar procesi i integrimit i Ballkanit Perëndimor. Dhe është e vërtetë se lufta e nisur nga Rusia e përforcoi këtë bindje se kishte një dimension gjeopolitik, urgjent që duhej marrë parasysh. Por faktet janë fakte. Para disa muajsh ishin në Bruksel dhe ju e mbani mend konferencën e shtypit të Ramës pas mbledhjes në Bruksel. Ka patur një ndjesi frustrimi reciproke, një ndjesi lodhjeje, braktisjeje. Por gjithashtu pati një reagim falë mbledhjes së Brukselit me vullnetin e fortë nga të dyja palët për ta zhbllokuar atë që ishte bllokuar dhe ishte bllokuar në mënyrë absolutisht të padrejtë. Dhe kjo bëri të mundur që të rilançohej ky proces dhe ambicia. Lista e krijuar nuk ishte një listë qëllimesh, por projektesh konkrete të prekshme, që janë frut i shkëmbimeve që kemi pasur para luftës me Edi Ramës, i cili më ka thënë që nuk duhej pritur fundit i procesit të integrimit për të pasur rezultate progresive, të prekshme të perceptueshme nga qytetarët e vendove tona dhe vendet tona të kuptojmë përfitimit e përafrimit pa pritur përfundimin e procesit. Unë shpresoj që ky proces të jetë sa më i shpejtë. Do të ketë një integrim efektiv të BP, kjo do të thotë, guxim, punë, reforma, të kryera mirë. Që të jem i qartë, kur flasim për marrëveshjen energjetike, për universitetin, të rinjtë shqiptar që do të jenë më shumë të pranishëm në universitetet europiane, sigurinë, emigracionin, etj, janë çështje jashtëzakonisht konkrete. Jemi të lumtur që jemi në Tiranë, do të vijmë shpesh në Tiranë. Dhe shpresojmë që miku ynë Edi do të vijë gjithashtu në Bruksel për të punuar bashkë.