Kryeministri Edi Rama ka sulmuar Sali Berishën nga Korça lidhur me financimet ruse në Partinë Demokratike.
Rama tha se një person i shpallur non-grata nga SHBA, nuk ka se si mund të mos ketë lidhje me këto financime.
Sipas Ramës, ish-kryeministri Berisha po përdor situatën aktuale ekonomike si pretekst për të sulmuar qeverinë dhe për të nxitur qytetarët që të dalin në protesta dhe të shkatërrojnë çdo gjë.
“Pse e bëri PD që të pranojë financimin rus? Si shpjegohet nongrata e një ish-Presidenti që është takuar dhe respektuar nga Presidentët amerikanë, i një vendi të NATO-s nëse nuk ka lidhje me këtë që po them unë. Nuk ka as më të voglin diskutim.
Shikoni si gjithë propaganda sot, zhvillohet në këtë linjë dhe se si njerëzve të cilët me të drejtë janë të shqetësuar për shkak të presionit financiar, nuk është e lehtë. Ne e kemi neutralizuar deri tani goditjen për çmimin e energjisë. E kemi mbajtur inflacionin më të ulët se gjithë vendet e rajonit.
Si shpjegohet që kjo tani, përdoret kaq egërsisht duke u shoqëruar me shpifjet nga më ekstremet, për të shfrtytëzuar një moment të vështirë psikologjik, i treti në rradhë, për të nxitur njerëzit të dalin dhe të shkatërrojnë çdo gjë.
Më falni, a ka nevojë për shumë fjalë dhe për shumë argumente ajo që u kujtua këtu përpara se të dilja unë, dhe juve që këtu e keni pasur realitetin tuaj. Në një qytet ku kishte vetëm një vend për të fjetur. Nuk kishte ku të dilje natën se mund të humbisje në grop”, tha Rama.
j.l./ dita
