Kreu i Aleancës për Ardhmërinë e Kosovës, Ramush Haradinaj, njoftoi se nuk do të kandidojë për udhëheqjen e partisë në zgjedhjet e brendshme partiake.
Pas mbledhjes së Këshillit të Përgjithshëm të AAK-së, Haradinaj tha se zgjedhjet partiake do të mbahen nga 20 shkurti deri më 6 qershor.
“Nuk do të kandidoj për kryetar të Aleancës”, tha Haradinaj, duke treguar se janë disa arsye për këtë vendim.
E para, tha ai, është koha e gjatë në udhëheqje, përkatësisht nga maji i vitit 2000, kur u themelua partia, por edhe rezultati jo i mirë i partisë në dy palë zgjedhjet e fudit më 9 shkurt dhe 28 dhjetor 2025.
AAK në zgjedhjet e fundit arriti të siguronte gjashtë vende në Parlamentin e Kosovës.
Haradinaj njoftoi se deri më tani, kandidaturën për kreun e ri të AAK-së e ka shpallur Ardian Gjini, por tha se mund të ketë kandidatura të tjera.
I pyetur nëse do të jetë kandidat për president, Haradinaj tha se nuk është.
Ndërkaq, për qëndrimin e partisë lidhur me votimin e Vjosa Osmanit për një mandat të dytë si presidente, Haradinaj tha se AAK-ja ende nuk ka vendosur për këtë çështje.
Haradinaj është zgjedhur deputet i legjislaturës së dhjetë që u konsititua një ditë më parë. Ndërkaq, në zgjedhjet e dhjetorit ai ishte kandidat i AAK-së për kryeministër.
Në të kaluarën, Haradinaj ka shërbyer dy herë si kryeministër i Kosovës.
Po tani dote largohet mori cka donte dhe tani diten e mire,populli e nderoj si luftetare por jo mbasandej .
Hiq gabimet që bëri në skenën politike z.Haradinaj mbetet hero i gjallë i sakrificave dhe përkushtimeve ndaj lirisë të shqiptarëve në ish YU rezultatet dhe akcionet e tija spektakulare në veri të Kosovës kundër ministrave të Serbisë si dhe akcioni kokë më veti i kalimit të FSK nga shoqatë zjarrfikësish në ushtri të rregulltë si dhe rritja e buxhetit me 20% të një mandati çeverisës vetëm dy vjeçarë e bënë kryeministrin ma të vendosur që Kosova do ta ketë
Mirë që më në fund e kuptoi z Ramush se rrallëherë shkojnë bashkë edhe luftëtar edhe lider në poltikë!