Në një postim në FB, personi që ka uzurpuar i pavotuar, kreun e organizatës së veteranëve, replikon me shkrimet e fundit në DITA.
Ai krahason veten me dëshmorët që kanë dhënë jetën dhe thotë se po sakrifikon shumë që nuk po rri “rehat ne shtepija”,
“Dua te siguroj te gjithe dashamiresit ( por veçanerisht e sidomos antaret e organizates se veteraneve dhe pasardhesve te LANÇ te popullit shqiptar ” Nderi Kombit” mbare vendit, se personalisht do te ishte shume komode te rrinim rehat ne shtepijat tona, por ja qe na ra, me te gjithe shoket e drejte e te perkushtuar ne drejtim dhe mbare vendit, ashtu si dhe ne te kaluaren te paret tane, por dhe vete ne strukturat ku punuam te mos shohim kurre interesin personal,aq me teper ate material, por ate qe i sherben atdheut per te cilin te paret tane u betuan gjate luftes, rane deshmore, por dhe ne gjate sherbimeve tona po keshtu. Kjo tregon se luftrat vazhdojne ne çdo front !” – shkruan Veliu, me një shqipe të varfër, ku bien në sy gabime të shumta drejtshkrimore.
Ai publikon edhe një dokument, ku pretendon se është i padënuar. Në të vërtetë, dokumenti që ai ka postuar shënon “i padënuar” pasi kështu veprohet me çdo vendim penal dënimi nën 5 vjet, në bazë të Kodit të Procedurës Penale.
Në këtë rast fshihet dënimi, por jo fajësia. Pra Veliu abuzon me këtë vërtetim të Gjendjes Gjyqësore, i cili nuk vërteton pafajësinë. Me vendim të tre shkallëve gjyqësore është shpallur fajtor dhe ka bërë 1.5 vjet burg (kliko dokumentin).
Kurse krahasimi që i bën vetes me dëshmorët është qesharak.
Në foton kryesore: Veliu gjatë procesit gjyqësor dhe faksimile e dënimit
n.s. / dita
