Tymi nga zjarret kanadeze vazhdon të shkaktojë alarme për cilësinë e ajrit në shtetet e SHBA. Zyrtarët shëndetësorë që paralajmërojnë njerëzit, veçanërisht ata në grupe të ndjeshme, si; fëmijët, të moshuarit, ose me probleme të frymëmarrjes, patologji të ndryshme etj., që të kufizojnë kohën e tyre jashtë.
Autoritetet urdhëruan rikthimin e maskave mbrojtëse, kryesisht kirurgjikale, për të shmangur ajrin e ndotur nga oksidi i karbonit.
Administrata Federale e Aviacionit lëshoi një ndalesë tokësore të enjten në të gjitha fluturimet që synonin aeroportin LaGuardia të Nju Jorkut për shkak të shikueshmërisë së dobët.
Indeksi i cilësisë së ajrit u rrit në nivele “të rrezikshme” në Filadelfia, ku të gjithë u kërkuan të qëndronin brenda. Tymi i zjarrit po derdhet nga Kanadaja në SHBA dhe ka bllokuar fluturimet në Bregun Lindor për të dytën ditë radhazi.
Është rritur numri i shteteve të prekura nga kjo ndotje, deri në 16 të tilla, nga 13 që ishin të mërkurën.
“Që nga ora 10 e mëngjesit të së enjtes, Administrata Federale e Aviacionit vonoi të gjitha fluturimet për në Aeroportin Ndërkombëtar të Newark Liberty dhe ndaloi fluturimet hyrëse nga verilindja, Ohajo dhe mesi i Atlantikut drejt Aeroportit LaGuardia dhe Aeroportit Ndërkombëtar të Filadelfias”, raportoi Politico.
“Deri më tani sasia e fluturimeve të vonuara është relativisht e vogël – 45 në Newark dhe 60 në LaGuardia që nga mëngjesi i së enjtes – por këto shifra mund të rriten”. FAA paralajmëroi gjithashtu se aeroportet e tjera të Bregut Lindor mund të përballen me vonesa të enjten.
“FAA ka të ngjarë të marrë hapa për të menaxhuar në mënyrë të sigurt rrjedhën e trafikut në New York City, DC, Philadelphia dhe Charlotte për shkak të dukshmërisë së reduktuar nga tymi i zjarrit,” tha agjencia në një deklaratë.
Qytetarët ndihen në shok, teksa edhe teoritë konspirative po marrin udhë. Kjo është hera e parë që retë e tymit pushtojnë një hapësirë gjeografike dhe ajrore kaq të madhe. “Duket sikur ka ardhur Apokalipti…”, shprehen ata në rrjete sociale dhe media. Teksa ende nuk dihet se sa do të zgjasë kjo emergjencë dhe pasojat si shëndetësore, ashtu edhe mjedisore që do ketë në të ardhmen.
Lista e shteteve të prekura:
• Pennsylvania
• Michigan
• New York
• Ohio
• Vermont
• Massachusetts
• Connecticut
• Rhode Island
• New Jersey
• Delaware
• Indiana
• Maryland
• Washington, D.C.
• Kentucky
• Virginia
• North Carolina
• South Carolina
a.q. / dita