Për herë të parë pas 100 vjetësh ligjvënësit në Dhomën e Përfaqësuesve nuk arrijnë të zgjedhin kryetarin në raundin e parë të votimit.
Republikan Kevin McCarthy nuk arriti të siguronte votat e nevojshme për të marrë drejtimin e Dhomës, pasi nuk u mbështet nga një pjesë e kolegëve të tij.
Ai mori 203 vota, republikani tjetër Andy Biggs 10 vota ndërsa kandidati demokrat Heekm Jeffires 212 vota.
Kevin McCarthy u bë politikani i parë që nga viti 1923 që nuk zgjidhet që në raundin e parë.
Ai është zotuar se do të luftojë deri në fund.
Seanca në Dhomën e Përfaqësuesve ështe ende duke vazhduar dhe megjithëse ligjvënësit e kanë hedhur një herë votën e tyre, ata kanë të drejtë ta ndryshojnë ata. Pritet që votimi të vazhdojë.
Pas zgjedhjeve të nëntorit 2022, republikanët rimorën kontrollin e Dhomës së Përfaqësuesve, por në ditën e parë të punimeve të saj dështuan të zgjedhin e kryetarin e Dhomës.
Pa zgjedhjen e Kryetarit, Dhoma e Përfaqësuesve nuk mund të kryejë veprimtaritë e saj.
Ligjvënësit e bëjnë betimin për mandatin e tyre dyvjeçar pas zgjedhjes së kryetarit.
Kandidatura e zotit MCarthy kundërshtohet nga një brez i ri republikanësh që mbështesin ish Presidentin Donald Trump, të cilët thonë se ai nuk është konservator sa duhet dhe nuk është aq i ashpër për të luftuar demokratët./VOA
a.m/dita
