Dëbora e madhe shkaktoi ndërprerje të konsiderueshme të udhëtimeve në Angli ditën e sotme, ndërsa aeroportet e Mançesterit dhe Liverpulit që mbyllën pistat e tyre.
Disa centimetra borë ranë në Angli dhe Uells gjatë natës së së shtunës deri të dielën. Në West Yorkshire (Anglia veriore), toka u mbulua nga 12 centimetra borë, tha Zyra Britanike e Meteorologjisë.
Në disa zona në lartësi mbi 300 m ka rënë deri në 40 cm borë. Aeroporti i Mançesterit (Anglia Veriore) raportoi pak pas orës 07:00 me orën lokale, se pistat për ngritje mbeten të mbyllura.
“Aeroporti do të rifillojë sa më shpejt të jetë e mundur,” tha aeroporti, duke këshilluar pasagjerët të kontaktojnë linjën e tyre ajrore.
Operatori National Highways tha se shumë rrugë në veri të Anglisë u mbyllën gjatë natës.
Në Hampshire (Anglia jugore), një pjesë e autostradës në drejtim të veriut u mbyll mëngjesin e sotëm për shkak të përmbytjeve të shkaktuara nga bora gjatë natës, sipas National Highways.
Kompania administruese paralajmëron mundësinë e ngricave në shumë rrugë. Përveç kësaj, të paktën një linjë hekurudhore, në zonën e Leeds (Veri) u mbyll. Ndërprerjet e energjisë kanë prekur shumë familje në Angli dhe Uells.
j.l./ dita
