Shqipëria po përballet me një front meteorologjik me reshje të pandërprera dhe intensitet rekord, duke shkaktuar përmbytje në zonat lumore dhe në ultësirën perëndimore.
Bilanci paraprak i situatës së krijuar nga përmbytjet që kanë përfshirë vendin prej katër ditësh është shqetësues.
Më të prekura deri tani janë qarqet Lezhë, Dibër, Fier, Berat, Korçë, Gjirokastër dhe Vlorë.
Kaskada e Drinit pati prurje të mëdha anësore, por për momentin duket e evituar një situa që mund të kthehet në katastrofë në zonën e Shkodrës.
Janë 52 familje të evakuara në Vlorë dhe 18 familje të evakuuar në Qarkun e Korçës. Afro 1000 banesa rezultojnë të përmbytura, në përmasa të ndryshme.
Në Qarkun e Korçës janë 300 banesa, në Fier 25 banesa, në Lezhë 600 banesa dhe në Vlorë 52.
Kreu i Agjencisë Kombëtare të Emergjencave Civile, tha se pjesa më e madhe e familjeve që u evakuuan për shkak të përmbytjeve, tashmë janë kthyer në shtëpitë e tyre.
