Është riaktivizuar vatra e zjarrit në afërsi të bjeshkës së Shishtavecit, në vendin e quajtur “Guri Mëngjesit”.
Të shtunën në mbrëmje ka qenë ndërhyrja e zjarrfikësve që bëri shuarjen e vatrës së parë, të ndihmuar edhe nga banorët, por zjarri është aktivizuar përsëri sot pas një ere të fortë.
Paraprakisht mësohet se në vendngjarje kanë shkuar forcat e policisë, shërbimi zjarrfikës, kryetari i fshatit Shishtavec, kryetari i njësisë administrative Shishtavec dhe drejtori i shkollës me disa banorë, të cilët po punojnë në aksion të përbashkët për shuarjen tërësisht të flakëve.
Lidhur me zjarrin e djeshëm, mësohet se policia nisi hetimet nëse zjarri është i qëllimshëm apo aksidental.
i.b./dita
