Cristiano Ronaldo vazhdon të mahnisë dhe jo vetëm në fushë për Al-Nasr në Arabinë Saudite (ku shënoi një gol mahnitës në fundjavë), por edhe me aftësitë e tij fizike që sfidojnë moshën. Sipas të dhënave të publikuara nga Whoop, një kompani e specializuar, mosha fiziologjike e yllit portugez është vetëm 28.7 vjeç, plot 12 vite më i ri se ditëlindja e ij e 40-të.
Kompania amerikane analizoi nëntë parametra që lidhen me gjumin, aktivitetin fizik dhe gjendjen e përgjithshme fizike, cilësinë e gjumit, intensitetin e stërvitjes, zonat e rrahjeve të zemrës dhe përbërjen e trupit. Rezultatet zbulojnë se trupi i CR7 është “optimizuar për gjumë, rikuperim, performancë dhe jetëgjatësi”. Me rëndësi të veçantë është HOMA-IR, një indeks që mat efikasitetin e insulinës në prodhimin e energjisë. Ronaldo demonstron kontroll të jashtëzakonshëm metabolik, të aftë për të ushqyer muskujt, për të stabilizuar energjinë dhe për të rritur jetëgjatësinë. Nivelet e hemoglobinës tregojnë gjithashtu qëndrueshmëri të jashtëzakonshme dhe kapacitet superior aerobik, të ruajtur edhe gjatë momenteve më intensive të ndeshjeve.
Besnik ndaj reputacionit të tij si perfeksionist që përpiqet gjithmonë për performancë maksimale, Kristiano tha me shaka për rezultatet në X : “Të dhënat nuk gënjejnë.”
Teknologjia e Whoop Advanced Labs nxjerr në pah se si fenomeni portugez arrin të kombinojë stërvitjen, rikuperimin dhe menaxhimin metabolik në nivele që pak atletë në botë mund t’i arrijnë.
j.l./ dita
