Zbardhet atentati i 1 nëntorit 2019, ku në mbikalimin e Sukthit, u tentua të ekzekutohej prokurori Arjan Ndoja bashkë me Landi Muharremin.
Nuredin Dumani, bashkëpunëtori i drejtësisë ka treguar tashmë kush janë kokat që donin eleminimin e Ndojës dhe Rrumit.
Prokuroria e Posaçme Antikorrupsion (SPAK) ka arrestuar 5 persona, mes tyre Akil Nerjakun.
Mësohet se në pranga bashkë me Akil Nerjakun ka rënë edhe Bashkim Haxhia, i cili i mbijetoi atentatit në makinë me Plarent Dervishaj.
Po kështu është arrestuar Marsel Deçka, agjent doganor.
Ndërkohë që për Plarent Dervishaj është dhënë një masë e re sigurie. Një tjetër emër i njohur i botës së krimit për të cilën ka një urdhër arrest është edhe Julian Meçaj, i njohur për lidhje të forta me bandën e Durrësit.
Urdhër arrestet lidhen edhe me kontrollet që u ushtruan dje në banesën e Ramazan Rrajës, ku ai nuk u gjet.
Akil Nerjaku ishte shënjestra e një atentati me snajper në Durrës në shtator të vitit 2022.
Një bandë e mirëpërgatitur zbarkoi në lagjen nr13 në plazhin e Durrësit për të ekzekutuar Nerjakun, mesditën e 12 shtatorit. Ata mendohet të kenë qenë pesë persona dhe të gjithë të veshur me të zeza e me kapuçë në kokë. Të futur brenda një furgoni, në dukje si transportues mallrash, atentatorët u ndalën në rrugën ku ishin informuar se ndodhej shënjestra e tyre dhe qëlluan.
Një plumb do të ishte mjaftueshëm nëse do të kishin pasur shënjestër, por gabuan. Plumbi përfundoi në makinën e një pushuesi nga Maqedonia e Veriut, i cili kishte zgjedhur bregdetin e Durrësit për të pushuar, por u gjend në kohën dhe vendin e gabuar më 12 shtator. Në të njëjtin moment dhe në të njëjtin vend ku ishte parkuar makina, Nerjaku ishte duke lëvizur me automjet Mercedez Benz. Ngjarja kaloi pa dëme, por as nuk u zbardh, pasi deri më tani nuk ka asnjë të arrestuar për këtë atentat.
Operacioni është në vijim e sipër dhe pritet zbardhja e motive pse banda e Durrësit bashkëpunoi me Rrajat për të ekzekutuar Ndojën.
j.l./ dita
Alarmi për të tjerët dhe pastaj pyetja pse nuk funksjonon policia
Ky njoftim është një super shërbim për kriminelët, asgjë më shumë.
Askujt nuk i intereson, vetëm kriminelëve.
Këto lajme ndodhin vetëm në Shipëri!
Une e kam fjalen per Sokolin, Sokol Balla tenton te jete i “paangazhuar”, por nuk shpeton dot! Edhe ai,si te gjithe ne pa perjashtim,kemi kaluar shume here ne orgazme duke share apo mbrojtur nje spiun,vrases dhe kriminel-hajdut si Saliu! Nuk e kane bere vetem berishistet por edhe njerez te zgjuar te Kombit tone qe me vone edhe jane larguar pasi jane larguar nga Saliu me hir apo pahir! Saliu eshte sjellur sic dine te sillen hqiptaret ne shekuj! Kulacin ose shkopin! Por a mendoni ju se Koli ka te drejte edhe morale,sic po mundohet te beje, te mos kete pune fare me cfare po ndodh! Absolutisht JO! Edhe ky birbo,nga Librazhdi,ka lyer Saliun dhe te tjeret ne momente te vecanta! Atje,ju, jeni te gjithe Shqiptare provinciale, otomane-komuniste,berishiane,hajdute dhe rrufjane-dinake! Koli krahason veten me njerez te PD qe te gjithe ata pa perjashtim jane llumi i Kombit tone! Ku eshte Koli atehere? Nuk guxon njeri te permende emrin e Saliut se te ha koken dhe Familjen ai!