Një 21-vjeçar ka rënë viktimë e një tentative grabitjeje në kryeqytet, teksa katër të mitur e kanë rrethuar, ku përmes kanosjes dhe dhunës kanë tentuar t’i marrin me forcë sendet personale.
I riu ka njoftuar menjëherë policinë, duke bërë kallëzim për ngjarjen. Pas punës së shpejtë dhe të koordinuar të efektivëve të Komisariatit të Policisë Nr. 2, janë identifikuar dhe arrestuar katër të miturit, të moshave 15, 16 dhe 17 vjeç.
Ngjarja ka ndodhur ditën e premte, në zonën e njohur si ish-Fusha e Aviacionit, ku të miturit dyshohen se kanë tentuar t’i marrin me dhunë sendet personale 21-vjeçarit.
Policia ka nisur hetime për të zbardhur dhe dokumentuar ngjarje të tjera të mundshme ku mund të jenë të përfshirë këta persona. Materialet procedurale i janë referuar Prokurorisë për veprime të mëtejshme ligjore.
i.b./dita
