Dy helikopterë të ushtrisë amerikane janë rrëzuar në Trigg County, Kentucky.
Guvernatori i Shtetit, Andy Beshear bëri me dije lajmin e hidhur dhe tha se e gjithë ngjarja ka qenë aksidentale, por që nuk dihet ende numri i viktimave.
Sipas mediave lokale, ngjarja ka ndodhur rreth orës 21:35 dhe ekziston mundësia që të jenë vrarë 9 persona.
- Publicitet -
Në një deklaratë për BBC, një zëdhënës i bazës ushtarake Fort Campbell tha se janë rrëzuar dy helikopterë HH60 Blackhawk.
“Ndodhi gjatë një misioni rutinë stërvitor. Statusi i anëtarëve të ekuipazhit nuk dihet për momentin”, tha ai. “Komanda tha se aktualisht është e fokusuar në kujdesin për pjesëtarët e familjeve të tyre.”
HH-60, një version i modifikuar i helikopterit Black Hawk, mund të përdoret për sulme ajrore, evakuime mjekësore dhe qëllime të tjera, sipas Ushtrisë.
Në vitin 2018, shtatë anëtarë të shërbimit vdiqën kur një HH-60 u rrëzua në Irak.
Një hetim ushtarak më vonë zbuloi se, si rezultat i një gabimi pilot, helikopteri kishte goditur një kabllo çeliku të lidhur horizontalisht midis dy ndërtesave.
j.l./ dita
