Ministrja e Shëndetësisë Ogerta Manastirliu ka njoftuar se nga data një korrik do të rriten me 6% pagat e mjekëve dhe infermierëve, ndërsa ashti se synohet që të shkojë deri në 40%.
Manastirliu: Duke filluar nga data 1 korrik, ashtu sikurse e kemi premtuar, për të gjithë mjekët, infermierët, të gjithë profesionistët e shëndetësisë paga e tyre rritet me 6%. Kjo është një politikë e qeverisë shqiptare, e cila sikurse oshte planifikuar hyn në fuqi në 1 korrik dhe shtyn efektet përgjatë gjithë vitit dhe në vazhdim. Efekti vjetor i rritjes së pagave për masën 6% është rreth 10 mln dollarë dhe nga kjo rritje përfitojnë rreth 19 mijë mjekë, infermierë dhe profesionistë shëndetësorë që ofrojnë shërbime në sistemin tonë shëndetësor. Synojmë që të rriten 40% duke filluar nga ky vit e në vazhdim. Ndërkohë që rritja e pagave do të vijojë fokusi do të jetë në përmirësimin e kushteve të punës.
Ministrja theksoi se politika e rritjes së pagave është një politikë e përfshirë në të gjithë mbështetjen që qeveria shqiptare ka për mjekët, infermierët dhe sistemin shëndetësor.
Manastirliu: Nga ana tjetër kemi vendosur dhe qeveria shqiptare ka miratuar edhe një dëmshpërblim financiar në masën 15 mijë lekë në muaj për të gjithë ata mjekë të cilët përfundojnë specializimin dhe në bazë të kontratave me ministrinë e Shëndetësisë ushtrojnë profesionin jashtë vendbanimit, do përfitojnë këtë shpërblim financiar.
Nga ky vendim do të përfitojnë rreth 300 mjekë.
a.m/dita
Pse?Keni ndermend te rrini edhe 10 vjet ne pushtet?