Gratë do dalin në pension 61 vjeçe e 6 muaj këtë vit. Mosha është rritur me dy muaj, sipas vendimit që rrjedh nga reforma e vitit 2014 për sigurimet shoqërore në Shqipëri.
Nëse në vitin 2022, një grua duhet të kishte 37 vite e 8 muaj, vjetërsi pune për të dalë në pension 61 vjeçe e 4 muaj, këtë vit ajo del në pension kur të mbushë 61 vjeç e 6 muaj.
Ndërkohë, për burrat mosha për të dalë jashtë sistemit të punës është 65 vjeç dhe do të mbetet e pandryshuar edhe për 10 vitet në vazhdim. Por, për ta ndryshon portofoli i sigurimeve shoqërore.
Pra, vjetërsia e punës që deri vitin e kaluar njihej për 37 vjet e 8 muaj, për vitin 2023 do të njihet për 38 vjet.
Prej 8 vitesh, skema e pensioneve ndryshon, si rrjedhojë e skemës së miratuar në reformën e vitit 2014. Rritja pritet të ndalet në vitin 2056.
Akrualisht, pensioni mesatar në vendin tonë është 15 mijë lekë, ndërkohë që përfitues të pagesave mujore janë 670 mijë individë.
Llogaritet që çdo vit, rreth 40 mijë qytetarë dalin nga tregu i punës.
Skema me e madhe e vjedhjeve!
Dhe popujt qe paguajne nder vite nga 20% te pages per te marre pas viteve 65 nese ja dalin deri ne ate moshe 10 te pages me cmimet e rritura nga 4 perqind cdo vit.
Edhe ne Shqiperi, mosha e daljes ne pension e grave duhet te barazohet me moshen e burrave dhe te mois iu njihet koha e studimeve universitsre si vjetersi pune.