Në mënyrë të papritur, enklava ruse e Kaliningradit është bërë lajm në orët e fundit. Arsyeja, çështjet që nuk kanë të bëjnë me vetë luftën që po zhvillohet në Ukrainë, por me nomenklaturën e vetë territorit që i përket Federatës Ruse. Komiteti për Standardizimin e Emrave Gjeografikë jashtë Republikës së Polonisë, propozoi të martën e kaluar ndryshimin e emrit të qytetit të Kaliningradit në atë të Królewiec, si dhe atë të vetë enklavës, në mënyrë që të njihet si Obwód Królewiecki. Arsyeja, në vitin 1945 territori njihej si Königsberg kur ishte pjesë e Prusisë Lindore. Królewiec ishte përkthimi polak i Königsberg. Megjithatë, gjithçka ndryshoi pas atij viti.
Në fund të Luftës së Dytë Botërore, sovraniteti i qytetit dhe rajonit u bënë pjesë e administrimit të Bashkimit Sovjetik. Ai u emërua pas Mikhail Kalinin, një revolucionar bolshevik, themelues i BRSS dhe ish-kryebashkiak i Petrogradit, qyteti aktual i Shën Petersburgut. Propozimi për ndryshimin e emrit nga autoritetet polake nuk u pëlqeu mirë në Rusi. Kështu ka thënë zëdhënësi i Kremlinit, Dmitri Peskov.
“Polonia ka rënë herë pas here në këtë çmenduri të urrejtjes ndaj rusëve. Është një akt armiqësor, në kufi me çmendurinë”, tha ai. Megjithatë, fjalët e Peskov gjetën sërish një përgjigje nga autoritetet polake, të cilët e justifikuan vendimin për të riemërtuar Kaliningradin ashtu. “Një vend nuk mund të detyrohet të përdorë emra që janë të papranueshëm për të në gjuhën e tij”, ndërkohë që mbron të drejtën për të përdorur në gjuhën e tij “emrat tradicionalë që përbëjnë trashëgiminë e tij kulturore”.
