Rusia ka lëshuar një seri raketash në disa qytete të Ukrainës. Sulmi shkaktoi një zjarr të madh, shkatërroi dhjetëra shtëpi dhe plagosi 34 persona. Disa orë më vonë, alarmi për sulm ajror u dëgjua në të gjithë vendin, me kryeqytetin Kiev midis objektivave.
Në të gjithë vendin, ushtria ukrainase tha se kishte rrëzuar 15 nga 18 raketat që ishin lëshuar nga Rusia. Dëmi më i madh ishte në Pavlohrad, një qytet në territorin e kontrolluar nga ukrainasit rreth 110 km nga vija e frontit.
Ndërkohë, administrata ushtarake e Ukrainës në Dnipropetrovsk e përshkroi atë si një natë dhe mëngjes tragjik, duke thënë se një zonë industriale ishte goditur.
Ditët e fundit ka pasur një rritje të sulmeve në Ukrainë, me vende larg vijave të frontit të shënjestruar. 23 persona humbën jetën të premten si pasojë e sulmeve në qytetin qendror të Umanit.
Nga ana tjetër, Ukraina thotë se po përfundon planet për një ofensivë të shumëpritur kundër forcave ruse, të mbështetur nga armët dhe pajisjet ushtarake të furnizuara nga Perëndimi.
m.b./dita
