Nuk janë të pakta rastet në të cilat ndihemi të shqetësuar për abuzimet që mund të bëhen me të dhënat tona personale në Facebook.
Ekspertët japin disa këshilla për rastet në të cilat ndiheni të shqetësuar se të dhënat tuaja personale abuzohen, por ju nuk dëshironi të largoheni përgjithmonë nga Facebook.
Në vijim gjeni të detajuara disa mënyra se si mund të mbroheni, si dhe çfarë detajesh është mirë që të fshini, në mënyrë që ato të mos keqpërdoren.
Shqetësuese – Drejtori i Menaxhimit të Produkteve të Facebook, David Baser, zbuloi se rrjeti social përdor mjete të ndryshme marketingu për të mbledhur të dhënat personale të njerëzve, madje edhe ata që nuk kanë një llogari në Facebook.
Nuk është vetëm Facebook – Sipas blogut, Twitter, Pinterest, LinkedIn dhe platforma të tjera gjithashtu mund të aksesojnë të dhënat e përdoruesve në të njëjtën mënyrë, përmes pëlqimit të përdoruesit dhe ndarjes së përmbajtjes.
Çfarë të dhënash? – Facebook ka akses në të gjitha detajet që shfletuesi i tij promovon në faqe. Kur hyni në një faqe që përdor një nga mjetet e rrjetit social, shfletuesi ka qasje në adresën e tij IP, si dhe identitetin e shfletuesit dhe sistemit operativ. Faqja mund të mbledhë gjithashtu cookie, të cilat ruajnë preferencat e përdoruesit.
Këshilla – Indy100 ka përpiluar një listë të gjërave që çdo përdorues duhet të fshijë nga profili i tij në Facebook për të mbrojtur të dhënat e tij.
Ditëlindja – Data juaj e lindjes mund të duket një informacion i pafajshëm, por nuk është ashtu. Në fakt, mund të çojë në rrjedhjen e informacioneve të tjera personale, kështu që është më mirë t’i fshini ato.
Numri i telefonit – Ndarja e numrit tuaj të telefonit mund të shkaktojë probleme, duke përfshirë telefonatat dhe mesazhet e mundshme të padëshiruara është shumë më mirë të mos e bëni numrin tuaj kaq të disponueshëm!
Miqtë – Problem mund të jetë edhe të kesh shumë miq, veçanërisht ata me të cilët nuk mbani kontakte. Sipas Robin Dunbar, një profesor psikologjie nga Oksfordi, njerëzit janë në gjendje të mbajnë afërsisht 150 miqësi të qëndrueshme.
Mos e postoni vendndodhjen tuaj në internet – Mos e ndani vendndodhjen ku publikoni foto, video dhe statuse. Jini veçanërisht të kujdesshëm për të mbajtur të fshehtë adresën tuaj të shtëpisë. Facebook mund ta përdorë atë informacion pa e kuptuar ju, duke e marrë atë nga postimet e vjetra. Shmangni përdorimin e aplikacioneve që ju lejojnë të regjistroheni në vende dhe mos përdorni shërbime të tjera si këto në smartphone tuaj.
p.k\dita
