Ndragheta është një organizatë më e fuqishme mafioze se Cosa Nostra. Kjo ishte deklarata e Salvatore Borsellino, vëllait të prokurorit italian Paolo Borsellino, i vrarë nga mafia siciliane.
Sipas tij, Ndragheta ka lidhje me mekanizmat e shtetit dhe sidomos është në kontakt me masonerinë dhe kjo është pjesë e fuqisë së saj.
“Cosa Nostra ekziston, por nuk është më Cosa Nostra e viteve 80’. Sigurisht ka marrë goditje të forta, por për fat të keq, vendin e Cosa Nostra në drejtimin e krimit të organizuar e ka marrë Ndragheta e cila është një organizatë edhe më e fuqishme mafioze. Ndragheta ka një aftësi depërtimi, për të cilën sot nuk ekziston asnjë qark i vendit tonë, asnjë rajon në vendin tonë, ku Ndragheta të mos ketë depërtuar,” – u shpreh Borsellino në një intervistë për Euronews Albania.
