12 vite më parë është hapur për publikun TEG, qendra tregtare më e madhe në Shqipëri dhe një ndër më të frekuentuarat e rajonit. Këtë përvjetor ka përshëndetur Samir Mane, President i Grupit BALFIN dhe një ndër sipërmarrësit më të rëndësishëm në Ballkanin Perëndimor. Në një postim të tijin në rrjetet sociale ai thotë: “TEG është qendra tregtare më e frekuentuar në Shqipëri me rreth 10 milion vizitorë në vit duke shpërblyer punën e stafit dhe besimin e markave më të rëndësishme ndërkombëtare që janë pjesë e qendres tregtare.”
Grupi BALFIN i Samir Manes ka prezantuar për herë të parë Shqipëri konceptin e qendrave tregtare që ridimensionojë stilin e blerjes. Sot, Grupi BALFIN ka në pronësi qendra tregtare në Shqiperi dhe Maqedoninë e Veriut duke sjelle vazhdimisht ide dhe shërbime të reja në tregjet ku operon.
