Këngëtarja Shakira përballet me probleme të reja ligjore, pas pranimit në proces të ankesës për dy shkelje tatimore, që lidhen me tatimin mbi të ardhurat personale dhe tatimin mbi pronën e vitit 2018. Kjo çështje e re i shtohet një tjetër që ajo kishte hapur tashmë, ku akuzohet për mashtrim të 14.5 milionë eurove, mes viteve 2012, 2013 dhe 2014, duke pretenduar se nuk banonte në Spanjë.
Në total, Prokuroria e Barcelonës kërkoi dënimin me tetë vjet e dy muaj burg për artisten kolumbiane. Por, për shkak të pagesës prej 17.2 milionë eurosh si dëmshpërblim për mashtrimin, konsiderohet se ka larguar burgun dhe pret zbutje. Edhe kështu, i kërkohet të paguajë një gjobë prej 23.7 milionë euro në total.
Krimet tatimore të Shakirës janë konsideruar të rënduara për shkak të sasisë së lartë të mashtrimit dhe përdorimit të kompanive në parajsat fiskale, për të fshehur të ardhurat. Këto veprime kanë gjeneruar polemika të mëdha në opinionin publik, ndërkohë që artistja përballet me një proces të komplikuar gjyqësor që do të përcaktojë të ardhmen e saj ligjore dhe financiare.
