Të paktën dy persona kanë humbur jetën dhe tetë të tjerë janë plagosur rëndë si pasojë e një sulmi me armë zjarri pranë Universitetit Brown, në qytetin Providence, Rhode Island, raportojnë mediat amerikane.
Sipas informacioneve paraprake të transmetuara nga CNN, ngjarja ka ndodhur gjatë orëve të mbrëmjes, duke shkaktuar panik në zonën përreth kampusit universitar.
Forca të shumta policie dhe shërbime emergjente u angazhuan menjëherë në vendngjarje, ndërsa të plagosurit u transportuan drejt spitaleve lokale, disa prej tyre në gjendje kritike.
Autoritetet kanë nisur një operacion kërkimi për autorin, i cili përshkruhet si një mashkull i veshur me rroba të zeza. Ende nuk dihen motivet e sulmit dhe nuk është konfirmuar nëse viktimat janë studentë apo persona të tjerë të pranishëm në zonë.
Universiteti Brown ka reaguar duke kërkuar nga studentët dhe stafi të qëndrojnë të mbyllur dhe të ndjekin udhëzimet e sigurisë, ndërsa hetimet janë në zhvillim.
Ngjarja i shtohet listës së gjatë të incidenteve të dhunshme me armë zjarri në Shtetet e Bashkuara, duke rikthyer në vëmendje debatin mbi sigurinë publike dhe kontrollin e armëve.
m.aleksi / dita
Trumpi s ndalon dot keto brenda pretendon te ndaloj luftrat jashte
Ti e meritoke plotesisht ate pseudonim o prehistoriku!