Një ndërtesë katërkatëshe është shembur në Marsejë të Francës duke shkaktuar 5 persona të plëgaour.
Mediat vendase raportojnë se pas shembjes, ndërtesa ka shpërthyer në flakë. Ngjarja ka ndodhur rreth orës 12:40 të mëngjesit, ndërsa kryebashkikau i zonës paralajmëroi se pritet të ketë viktim, pasi ndërhyrja e zjarrëfikëses ishte shumë e vështirë për shkak të zjarrit.
“Zjarri është jashtëzakonisht i vështirë për t’u kontrolluar […] Zjarrfikësit po gjykojnë minutë pas minute se si ta shuajnë më mirë këtë zjarr, sepse ka potencialisht njerëz të gjallë brenda. Duhet të përgatitemi që të kemi viktima në këtë tragjedi të tmerrshme”, tha Payan.
Zjarrfikësit janë përpjekur të kalojnë nëpër mbeturinat e ndërtesës së rrënuar.
“Ne po përpiqemi të përshpejtojmë (operacionet e kërkimit dhe shpëtimit) sepse koha është thelbësore,” por qentë e kërkimit nuk mund të qëndrojnë në vapë, tha komandanti i zjarrfikësve detarë të Marsejës, Lionel Mathieu.
Mbetet e paqartë se sa banorë ishin në ndërtesën e shembur. Por punonjësit e shpëtimit janë në një garë me kohën për të evakuuar ndërtesat fqinje të dëmtuara, gjithashtu në rrezik shembjeje.
“Për momentin po pastrojmë ndërtesat ngjitur, duke u kujdesur që të mos rrezikojmë njerëzit që mund të ndodhen nën rrënoja. Dukej si një shpërthim”, tha kryebashkiaku.
Në pallatet përreth janë prekur mbi 30 banorë. Të gjithë të evakuuarit aktualisht janë strehuar në shkolla dhe çerdhe. Prefekti rajonal Christophe Mirmand tha se kishte dyshime të forta se një shpërthim nga rrjedhja e gazit mund të ketë shkaktuar shembjen.
Një shitës ushqimesh natën vonë që punonte në rrugë tha se gjithçka u drodh gjatë asaj që dukej si një shpërthim.
“Ne pamë njerëz që vraponin dhe kishte tym kudo”, tha Aziz, i cili nuk pranoi të jepte mbiemrin e tij.
Një tjetër kolaps i madh strukturor ndodhi në Marsejë në nëntor 2018, kur dy ndërtesa të rrënuara në lagjen e klasës punëtore të Noailles u rrëzuan, duke vrarë tetë njerëz. Aksidenti hodhi dritë mbi standardet e banimit të qytetit.
j.l./ dita
