Në një reagim mbi largimin e aleatëve të PD-së, Berisha ka bërë një deklaratë ku përveç sulmit ndaj kreut të PDIU, Shpëtim Idrizi, bën përshtypje një pohim që është vështirë të kuptohet nëse është lapsus, apo, për Berishën, çamët janë “minoritet grek”.
Pas Agron Dukës dhe Astrit Patozit, edhe Idrizi ka bashkuar votat me mazhorancën në votimin e fundit parlamentar, duke shënuar kështu pikën më të ulët në prag të zgjedhjeve lokale, në raportet mes aleatëve dhe ish-kryeministrit të shpallur non grata nga SHBA dhe Britania e Madhe për korrupsion.
Ajo që bie në sy në deklarimin e mëposhtëm veç ashpërsisë së Berishës me Idrizin, është se ai e konsideron popullatën çame minoritet grek.
Me gjuhën toksike të ndarjes krahinore, Berisha thotë se çamët nuk duhet “të afrohen me nipin e Spiro Kolekës dhe djalin e Krisraq Ramës”, pasi, sipas tij “Enver Hoxha, shkodranët dhe minoritetin grek (!?) e kishte në qendër të kasaphanës së luftës së klasave”.
Në çdo rast, deklarata nuk mund jetë më hipokrite dhe më qesharake se kaq për dy arsye të dukshme.
Për zjarrmin “antikomunist”, pasi vetë Berisha është një ish-komunist i ’68 dhe ish-sekretar partie në mjekësi. Ai ka më shumë foto publike me familjen Hoxha dhe me ish-byroistët se me prindërit apo familjen e tij.
Kurse zjarrmi i tij “nacionalist” me përfaqësuesin e partisë çame, është edhe më i pakuptueshëm, kur shihet se kandidati i tij për Himarën, tund flamurin e Vorio Epirit.
Fredi Beleri është kandidati i përbashkët i Sali Berishës dhe Ilir Metës për Bashkinë Himarë në zgjedhet lokale të 2023. Dhe pikërisht që në nisje të fushatës së tij nuk ka ‘zhgënjyer’. Ai e ka nisur me flamurin e Vorio Epirit. Video është bërë publike nga vetë kandidati kandidat i përbashkët i PD-së dhe PL në rrjetet e tij sociale
i.b. / dita
