Nga Edona Llukaçaj
Botuar në DITA
Diku në vitet ’90, në një skeç vënë në skenë nga humoristë shkodranë kalonte një shprehje, fatkqesësisht fort e gjetur për të shprehur realitetin paradoksal të arsimit në dekadat e fundit: “Ta çoj djalin në shkollë me m’u ba idiot?!”
Ajo ishte koha kur në emër të çrrënjosjes të ideologjisë komuniste, po goditej pamëshishëm gjithçka, si më e këqja e trashëgimisë, ashtu edhe ato gjëra të vyera që kishin mbetur pas. Kur nga padija a padëshira shkatërrohej pa kriter, a thua se dinim të ndërtonim më mirë.
Skeçi shënjestroi zhvlerësimin e arsimimit dhe nxënies si një rrugë e drejtë drejt suksesit. Ndërsa sot zhvlerësimi i shkollës është tjetërsoj, më i sofistikuar, më thellë i rrënjosur.
Djali a vajza jote nuk cilësohen të paaftë për jetën (idiotë), thjesht se në dorë iu jepet një diplomë që pak e aspak i siguron. Është një proces që fillon kur ti detyrohesh dhe e dërgon fëmijën në kopësht e shkollë me zarfa plot në çantën e shpinës jo vetëm për 7 mars, dhe teksa thua sloganin “për një kafe”, pyet veten se në cilën kafene e nga sa kafe pijnë këta gryksa.
Është një proces i fëlliqur që vazhdon kur detyrohesh ta çosh fëmijën, po ashtu si fshehurazi, në kurset e hapura nga mësueset e veta pas shkolle, pasi dëshmon rënien domethënëse në mësime të atyre që refuzuan a nuk mundën të frekuentojnë këto kurse çudibërëse në performancën e fëmijës.
Është ajo ecejakja në fillim të viteve shkollore, kur, me lezet, përpiqesh që yt bir a yte bijë të jetë në klasën e ndonjë mësuesi të mirëfilltë: jo patronazhist, pa “miq” të spikatur dhe që nuk e ka blerë vendin e punës për të mos i ngelë pa ekspozuar garderoba firmato.
Është zhgënjimi i përditshëm, jo vetëm në fund të vitit, kur publikohen notat fiktive të kopjeve të qarkulluara, sipas zërave, nga vetë arsimtarët që iu kërkohet një cilësi që nuk e arrijnë dot sa prej pamjaftueshmërisë aq edhe prej përçudnimit të sistemit.
Është degradimi i universitetit, ku pretendohet të diplomojmë profesionistë të kohës me kurrikula të vjetëruara dhe të cunguara; ku plagjiaturat e faktuara pezulluan doktoraturat për vite, por atyre që bënë hatanë nuk i hyri gjemb në këmbë, por me titullin në xhep, shpesh, vazhdojnë e lektrojnë duke hedhur baltë mbi të gjithë akademikët; ku niveli i bachelor është aq i diskutueshëm sa, nëse dikush mund të bëhet mësues apo jo, e vendos mesatarja e shkollës së mesme; ku përditë ‘vriten’ shkencat humane dhe ato sociale, a thua se pa to, do mund të rimëkëmbet ndonjëherë ky vend.
E për sa kohë situata është kjo, ne jemi të vetëdijshëm se notat e profesiontëve fiktivë që punojnë me tekste e metoda fiktive do jenë po fiktive. Ata po bëjnë me brezat veçse çfarë kanë parë të bëhet me to vetë.
Fëmijët dhe të rinjtë tanë do vazhdojnë të shkojnë në shkollë në këtë atmosferë fiktiviteti derisa t’i thuhet ndal me reforma kuptimplote dhe të zbatueshme. Nëse janë me fat nuk do kalojnë klasën si të paaftë (idiotë) par excellence.
Por që dinjiteti do u përdhoset dhe dëshira për të përftuar dije me mund e përkushtim do u cënohet s’ka dyshim.
*****
©Copyright Gazeta DITA
Ky artikull është ekskluziv i Gazetës DITA, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar DITA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Flitet per mesuesit dhe lektoret nu universitet. Keta jane te paafte dhe s’mund te japin mesim. Eshte e kote Shqiperia nuk di dhe nuk eshte ne gjendje pee shume kohe te ndertoje institucione per qeverisjene vendit,nuk di per institucione shoqerore dhe arsimore. Atehere eshte e kote aepee cfare i duhen. Le te ngelen koqe kandari te rinjte. Ata qe duan te behen te araimuar le te shkojne jashte. Nuk shikoj problem. Jemi popull qesharak.
Universitetet në shqipëri formojnë hajdutët e nesërm që të paktën të kenë më shumë fantazi dhe mos përdorin ato justifikimet fshatare që pasurinë ma ka dhuruar gjyshja që jeton në kasolle.
E drejt Doktorrat e shkencave pas viti 1996 , po i drejtojne intitucionet e shkences, dijes e kutures.MEDET KU KEMI PERFUNDU!
Armiqte ose IDIOTET me te medhenj te ARSI*MIT dhe KULTURES ne Shqiperi prej 32 vjetesh kane qene ministrat e ARSIMIT dhe KULTURES si dhe te gjithe kryeministrat ,qe ata i kane emeruar si besni8ke te partive ne pushtet!
Pas vitit 1990, ishte program që kryesohej nga antishqiptari Berisha, që gjithçka duhej të shkonte në zero, ekonomia, arsimi, shëndetsia, arti dhe kultura. Nga një anë përdorej SHIK-u I Gazidedes, që persekutonte kundërshtarët, nga ana tjetër përdorej anarkia, që mund të ndërtoje kudo, mjaftonte që të dorovisje një të PD-së. Paradoksi vazhdon edhe sot, kur Berisha “non grata”, po mobilizon falangat e sejmenëve të tij që t’a ndjekin, në gjoja, protestë ndaj Qeverisë! Duan të kthejnë përsëri atë kohë rrumpalle, kur bënin çfarë u donte qejfi, pa u dënuar për krimet e tyre, duke ndjellur frikë dhe terror.
tju rrojne shkollat turke o sunita.
nuk behet ai vend me muslimane
Te rinjt sot po vuajn maskarallikun e baballarve te tyre nga viti 90 e ktej , teoria te shkaterrojm çfar na la komunizmi ishte parrulla antishqiptare qe vuajn shqiptaret sot , jo vetem ne arsim por ne te tera dimensionet e jetes , ktu te tera komunizmi i ndertoj , por dhe ai sistem kopjoj ndertimin e shtetit ne perendim me ndryshime fare te vogla , nuk e shpiku vet as shtetin as ligjet , shkolla hekurudha uzina fabrikat kombinatet ishin tonat i ngritem me djers , nuk kishin lidhje me polotiken , ata qe deshironinnshkzterrimin e kti vendi e filluzn nga arsimi dhe perfunduan deri tek degjenerimi familjes shqiptare , 30 vjet i esht thurur lavdi anyivleres dhe vlera u konsiderua si diçka e turpshme , dhe urdho sot ngelin te ter nxensit ne gjuhe shqipe dhe ne lend te prioritare si matematika fizika biologjia etj , si ti shash e denigrosh mesuesit ne xhdo eveniment , te paguash qe noten ne klasen e par çfar pret ai femij te dali dhkencetar , thjesht vetem idjot mashtrus sharlatan dhe njeri pa vler del , shikoni nxenesit nuk shikon nje njeri me libra ne dor , çfar shkolle bejn kta nuk e kuptoj , kta jan gati per pab e per kafe por kurrsesi per shkoll dhe ja perfundimi .
Si mendoni ju, nuk ka studente te mire ne Shqiperi?
Sot ne Shqiperi, diplomohen studente cilesore, po aq sa dhe ne kohen e diktatures.
Ndryshimi eshte, se ne kohen e diktatures, ne universitet shkonin maturantet cilesore, ndersa sot, shkojne te gjithe ata qe deshirojne, pavaresisht nga cilesia.
Pra, universitetet jane mbushur me studente te dobet, por kjo nuk do te thote se midis tyre, nuk ka studente cilesore.