Një ngjarje e rëndë ka ndodhur në Vlorë, ku si pasojë një person ka humbur jetën.
Gjatë një përplasjeje brenda një lokali, pranë Gjykatës së Vlorës, është qëlluar me grusht 55-vjeçari, Armando Memshani.
Ky i fundit ka humbur jetën në vend pasi është qëlluar me grusht nga një person i paidentifikuar.
Ende nuk dihen detaje lidhur me shkakun e përplasjes mes tyre.
Konflikti ka ndodhur mes ambienteve të një lokali dhe kancelarie, pranë Gjykatës së Vlorës.
Policia ndodhet në vendin e ngjarjes ku ka rrethuar zonën dhe po kryen veprimet hetimore.
Njoftimi i Policisë:
Rreth orës 11:45, në lagjen “Hajro Çakërri”, në një qendër interneti, 2 shtetas janë konfliktuar me njëri-tjetrin dhe gjatë konfliktit shtetasi Armando Memshani, rreth 55 vjeç, për shkak të dhunës fizike (goditjeve me grushte), ka humbur jetën.
Shërbimet e Policisë kanë shkuar menjëherë në vendngjarje. Nga veprimet e shpejta është bërë identifikimi i autorit dhe vijon puna për kapjen e tij. Grupi hetimor ndodhet në vendngjarje dhe vijon punën për sqarimin e plotë të rrethanave të këtij rasti.
j.l./ dita
