Tre persona u plagosën si pasojë e një konflikti që ndodhi mbrëmjen e djeshme në Korçë.
Sipas informacioneve paraprake, mësohet se një konflikt mes disa personave ka përfunduar në plagosje me thikë. Bëhet me dije se tre persona kanë mbetur të dëmtuar dhe janë dërguar në spitalin e Korçës. Njëri prej tyre ka marrë plagë në pjesën e barkut.
Ngjarja ka ndodhur në një lokal në zonën e parkut të qytetit të Korçës.
Të përfshirë në konflikt kanë qenë dy grupe personash dhe nga informacionet paraprake mësohet se janë zënë për motive banale. Policia arrestoi tre shtetas të tjerë të përfshirë në konflikt, të dyshuar si autorë: Ilir Shuku, Dritan Pine dhe Gersi Dervishi.
Policia thotë se janë plagosur dy persona, të cilët ndodhen jashtë rrezikut për jetën, ndërsa konflikti ka nisur në një lokal për “motive të dobëta”.
Njoftimi i Policisë:
Rreth orës 21:30, në lagjen nr. 1, Korçë, në ambientet e një lokali, gjatë një konflikti për motive të dobëta, janë dëmtuar, dyshohet me mjet prerës (thikë), shtetasit S. Sh. dhe M. Xh., të cilët po marrin ndihmë mjekësore në spital, jashtë rrezikut për jetën.
Shërbimet e Policisë kanë ndërhyrë menjëherë dhe kanë shoqëruar në Komisariat, për veprime të mëtejshme, tre shtetas të tjerë të përfshirë në konflikt, të dyshuar si autorë, konkretisht shtetasit I. Sh., D. P. dhe G. D.
Grupi hetimor, nën drejtimin e Prokurorisë, po punon për zbardhjen e rrethanave të ngjarjes.
j.l./ dita
