Një ngjarje e rëndë ka ndodhur pak minuta më parë në fshatin Proptisht të Mokrës, në Pogradec. Një konflikt mes dy personave ka përfunduar në plagosjen e njërit prej tyre.
Policia ka dalë në një njoftim zyrtar lidhur me plagosjen. Policia ka bërë me dije se autori i dyshuar është arrestuar, ndërsa i plagosuri po merr ndihmë mjekësore.
Autori është shoqëruar në ambientet e Komisariatit, për veprime të mëtejshme procedurale. Grupi hetimor vijon punon për zbardhjen dhe dokumentimin e plotë të rrethanave të rastit.
Njoftimi i Policisë:
Pogradec
Plagosi me mjet prerës (thikë), 1 shtetas, gjatë një konflikti për motive të dobëta, kapet dhe shoqërohet në Komisariat, autori i dyshuar. Rreth orës 09:00, në fshatin Proptisht, dyshohet se gjatë një konflikti për motive të dobëta, shtetasi B. Ç. 51 vjeç, ka goditur me mjet prerës (thikë), shtetasin M. Ç., 48 vjeç, i cili u transportua në spital dhe po merr ndihmë mjekësore.
Shërbimet e Komisariatit të Policisë Pogradec, menjëherë pas marrjes së njoftimit, kanë shkuar në vendin e ngjarjes dhe kanë vijuar kërkimet për kapjen e autorit të dyshuar. Si rezultat i kontrolleve, është kapur në fshatin Proptisht, autori i dyshuar, shtetasi B. Ç., i cili është shoqëruar në ambientet e Komisariatit, për veprime të mëtejshme procedurale. Grupi hetimor vijon punon për zbardhjen dhe dokumentimin e plotë të rrethanave të rastit.
j.l./ dita
