Joe dhe Jill Biden paraqitën deklaratat e tyre tatimore, duke ndjekur një traditë që daton në vitet 1970 dhe e cila ishte ndërprerë nga ish-presidenti Donald Trump.
Shifrat u publikuan në një deklaratë nga Shtëpia e Bardhë: çifti presidencial fitoi 579,514 dollarë në vitin 2022 dhe pagoi 169,820 dollarë në tatimin mbi të ardhurat me një normë prej 23.8%.
Vitin e kaluar, presidenti amerikan dhe gruaja e tij – Zonja e Parë që vazhdoi punën e saj të mësimdhënies – deklaruan 600,000 dollarë për vitin 2021.
Biden dhe Zonja e Parë thanë gjithashtu se dhuruan 20,180 dollarë për 20 organizata bamirësie.
Dhurimi më i madh, ishte 5,000 dollarë për Fondacionin Beau Biden, shoqata bamirëse për abuzimin e fëmijëve kushtuar djalit të presidentit që vdiq nga kanceri në vitin 2015.
Zëvendëspresidentja Kamala Harris dhe bashkëshorti i saj, Doug Emhoff gjithashtu paraqitën deklaratat e tyre tatimore: 456,918 dollarë, 93,570 dollarë tatimin mbi të ardhurat në norma prej 20.5%.
Gazeta “The Hill” kujton se në vitin 2021, çifti Biden kishin deklaruar të ardhura prej 610,702 dollarësh, mbi të cilat ishte aplikuar një normë federale prej 24,6%.
j.l./ dita