Dy persona janë arrestuar në flagrancë pasi posedonin kokainë dhe kanabis, me qëllim shitjen në Vlorë dhe në Sarandë.
Sipas njoftimit të policisë dy personat e arrestuar janë E. A., 18 vjeç, banues në fshatin Çukë, Sarandë dhe A. R., 33 vjeç, banues në Vlorë
Dozat e lëndëve narkotike të gjetura gjatë kontrollit të këtyre dy individëve janë sekuestruar.
Njoftimi i policisë:
Specialistët për Hetimin e Narkotikëve të DVP Vlorë, në bashkëpunim me komisariatin e Policisë Delvinë dhe Forcën e Posaçme Shqiponja, bazuar në informacionet e siguruara në rrugë operative, organizuan dhe finalizuan goditjen e 2 rasteve të shitjes së lëndëve narkotike, në doza.
Si rezultat, u kapën dhe u arrestuan në flagrancë shtetasit:
- A., 18 vjeç, banues në fshatin Çukë, Sarandë;
- R., 33 vjeç, banues në Vlorë.
Gjatë kontrollit fizik, shërbimet e Policisë i gjetën shtetasit E. A., disa doza të lëndës së dyshuar narkotike kokainë, që dyshohet se i posedonte me qëllim shitjen në Sarandë, ndërsa shtetasit A. R. i gjetën disa doza të lëndës së dyshuar narkotike kanabis, që dyshohet se i posedonte për t’i shitur në zona të ndryshme të Vlorës.
Materialet procedurale i kaluan prokurorive përkatëse, për veprime të mëtejshme, për veprën penale “Prodhimi dhe shitja e narkotikëve”.
