Policia ka vënë në pranga Gentian Qosen, shoferin e autobusit të linjës së ‘Lundrës’, për shkak se shkeli rregullat e qarkullimit, duke shkaktuar një aksident, me pasojë disa persona të plagosur, pasagjerë. Qosja u përplas me dy mjete të dielën, në zbritje të dishezës pranë Fakultetit Ekonomik, ku për pasojë u plagosën 3 persona. Shoferi tha se pësoi një problem të çastit shëndetësor edhe për shkak të agjërimit, një dobësi trupore apo rënie të imunitetit, duke humbur kontrollin e mjetit. Kujtojmë se të plagosurit ishin duke udhëtuar nga Krraba drejt Tiranës, me autobusin e linjës së Lundrës. Njëri prej mjeteve ka qenë i parkuar anës rrugës gjatë kohës kur ndodhi përplasja. Si pasojë e aksidentit është bllokuar një prej akseve që të çon në kryeqytet. Policia sqaron se shkak i aksidentit, ka qenë humbja e kontrollit të shoferit të autobusit Gentjan Qosja, çka shkaktoi daljen nga rruga dhe përmbysjen e tij. Pas testit të alkoolit, drejtuesi i autobusit nuk ka rezultuar nën efektin e pijeve alkoolike.
Shkaktoi aksident afër ekonomikut, arrestohet shoferi i autobusit të Lundrës, shkak dyshohet agjërimi
