Pas shklejeve të konstatuara, Drejtoria e Përgjithshme e Shërbimit të Transportit Rrugor pezulloi trupën e inspektorëve të kolaudimit të automjeteve në Fier.
Sipas DPSHTRR-së, në Qendrën e Kontrollit Teknik Fier u pezulluan 6 persona nga detyra ndërsa është masa e ndërprerjes së marrëdhënieve të punës për një tjetër person.
Këto masa u morën pas indicieve, pamjeve filmike dhe verifikimit paraprak. DPSHTRR informoi se një hetim administrativ i brendshëm vijon për konkluzionet përfundimtare, ndërsa shërbimi do të vijojë me zëvendësim.
“Një hetim administrativ i brendshëm vijon për konkluzionet përfundimtare, ndërsa shërbimi do të vijojë me zëvendësim. I bëjmë thirrje qytetarëve të mos bëhen palë në shkeljen e ligjit, të mos tentojnë korruptimin, rryshfetin sepse do të kallzohen njëkohësisht me personelin që abuzon me detyrën!
Përsërisim apelin për punonjësit e Automotorizimit Shqiptar që të distancohen nga tentacionet e mitmarrjes, të zbatojnë ligjin dhe të çmojnë vendin e punës ku sot paguhen me një rritje prej +90% nga viti 2018 e ku kanë bonuse e trajtim dinjitoz, me benefite ligjore, standarde e respekt! DPSHTRR vijon hetimin e çdo dokumentacioni, bazuar në indicie dhe denoncime të ardhura në platformën online
I bëjmë thirrje qytetarëve të mos bëhen palë në shkeljen e ligjit, të mos tentojnë korruptimin, rryshfetin sepse do të kallëzohen njëkohësisht me personelin që abuzon me detyrën. Përgjegjësia sa vjen e rritet për të eliminuar dhe goditur fenomenet negative si edhe për të larguar nga institucioni ynë, përmes kontrolleve e sistemeve digjitale dhe shkëmbimit të informacionit me të gjitha organet ligjzbatuese, të gjithë elementet që nuk e meritojnë të jenë punonjës të shërbimeve të transportit rrugor”, bën të ditur DPSHTRR.
p.k\dita
