Një tjetër ngjarje dramatike nëpërmjet sulmit të armatosur ka ndodhur mbrëmjen e sotme në Shkodër. Persona të paidentifikuar, por që besohet se kanë pasur për motiv hakmarrjen e çastit pas ndonjë konflikti, qëlluan me breshëri plumbash ndaj një banese, rreth orës 21:00 të mbrëmjes. Ngjarja ka ndodhur në afërsi të Bypassit, në lagjen “Guerrile” dhe nuk raportohen persona të lënduar për moment in, por vetëm panik dhe dëme materiale. Familjarët të trembur sinjalizuan policinë vendore, që nisi menjëherë hetimet dhe u vu në kërkim të agresorëve. Në pyetje po merren anëtarët e familjes në fjalë, emri i të cilës nuk bëhet i ditur për arsye sigurie, për të mësuar rreth motiveve të mundshme.
Shkodër/ Krisma armësh ndaj një banese në “Guerrile”, s’ka të lënduar, arratisen autorët
