Një 49-vjeçar i identifikuar me inicialet Gj.B., tentoi të korruptonte policinë në Shkodër, pasi ishte në gjendje të dehur.
I dyshuari po drejtonte ditën e sotme automjetin tip ‘Benz’, kur iu kërkua që të ndalonte dhe i komunikuan se do të kryente testin e alkoolit. Për të shmangur testin e alkoolit, u ka ofruar punonjësve të Policisë, një kartëmonedhë të prerjes 2000 lekë.
Pas kryerjes së testit të alkoolit, ka rezultuar se drejtuesi i automjetit ishte në gjendje të dehur. Në përfundim të veprimeve është arrestuar në flagrancë shtetasi Gj. B., 49 vjeç, banues në Vaun e Dejës, për veprat penale “drejtimi i automjeteve në mënyrë të parregullt” dhe “korrupsioni aktiv i personave që ushtrojnë funksione publike”.
k.a. / dita
