Policia bën me dije se ka vënë në pranga një 20-vjeçar, pasi shpërndante doza kokaine dhe kanabisi, në lokalet e natës në Himarë.
Gjatë kontrollit fizik të kryer ndaj tij në Potam të Himarës, shërbimet e Policisë i kanë gjetur të riut një sasi të lëndëve të dyshuara narkotike kokainë dhe kanabis, të ndara në doza, gati për shitje, të cilat u sekuestruan në cilësinë e provës materiale.
Gjithashtu iu sekuestrua një shumë parash që dyshohet se është përfituar nga shitja e dozave dhe një përforcues grushti, dy aparate celulare që u gjetën gjatë kontrollit në banesën e tij.
“Specialistët e Seksionit për Hetimin e Trafiqeve të Paligjshme dhe Narkotikëve të DVP Vlorë, në vijim të operacioneve me fokus parandalimin, evidentimin dhe goditjen e veprimtarive kriminale në fushën e narkotikëve, bazuar dhe në informacionet e siguruara nga inteligjenca informative, kanë organizuar dhe finalizuar operacionin policor të koduar “Parts 10”, si rezultat i të cilit u arrestua në flagrancë 20-vjeçari”, thuhet në njoftimin e policisë.
Materialet procedurale i kaluan Prokurorisë, për veprime të mëtejshme.
p.k\dita
