Një 27-vjeçar gjerman, i shpallur në kërkim ndërkombëtar, është vënë në pranga nga policia e Tiranës. Bëhet e ditur se Patrick Wellner, përkohësisht banues në Tiranë, ishte shpallur në kërkim ndërkombëtar për prodhim dhe shpërndarje të materialeve pornografike.
I riu ishte dënuar me 1 vit e 8 muaj burgim nga Gjykata Lokale e Paderborn në Gjermani. Interpol Tirana vijon procedurat për ekstradimin e 27-vjeçarit drejt Gjermanisë.
Njoftimi i policisë:
“Shërbimet e Komisariatit të Policisë Nr. 2, në vijim të punës për kapjen e personave të shpallur në kërkim ndërkombëtar, në bashkëpunim me Interpol Tirana, në bazë të informacioneve të siguruara në rrugë policore, kanë organizuar dhe finalizuar operacionin policor të koduar “Paderborn”, si rezultat i të cilit u bë kapja dhe arrestimi provizor, me qëllim ekstradimin drejt Gjermanisë, i shtetasit: Patrick Wellner, 27 vjeç, përkohësisht banues në Tiranë.
p.k\dita
